केन्द्रीय क्याम्पसको नेतृत्व नेविसंघले जित्यो

त्रिभुवन विश्वविद्यालय केन्द्रीय क्याम्पस कीर्तिपुरमा नेपाली काँग्रेसको विद्यार्थी संगठन नेविसंघले नेतृत्व हात पारेको छ । 

आज भएको स्ववियु निर्वाचनमा नेविसंघका उम्मेदवार श्याम ओझाले सभापति जितेका हुन् । निकटतम प्रतिद्वन्द्वी एमाले निकट अनेरास्ववियुका प्रकाश विष्टलाई ३३१ मतान्तरले पराजित गर्दै उनी सभापति निर्वाचित भएको निर्वाचन समितिले जनाएको छ । 

ओझाले ९६२ मत ल्याउँदा विष्टले ६३१ मत पाएका छन् ।