काठमाडौंमा पाकिस्तानी राष्ट्रपति र प्रधानमन्त्रीको सन्देश पढेर सुनाइयो

आज बिहान काठमाडौंमा पाकिस्तानी राष्ट्रपति र प्रधानमन्त्रीको सन्देश पढेर सुनाइएको छ । पाकिस्तानको राष्ट्रिय दिवसको दिन काठमाडौंस्थित पाकिस्तानी दूतावासमा आयोजित समारोहमा उक्त सन्देश पढेर सुनाइएको बताइएको छ ।

कार्यवाहक राजदूत उमाइर अलिले आज बिहान दूतावास परिसरमा आयोजित कार्यक्रममा झण्डोत्तलन गर्नुभएको हो । सो अवसरमा नेपालमा रहेका पाकिस्तानी नागरिक र दूतावासका कर्मचारीको उपस्थिति रहेको जारी विज्ञप्तिमा उल्लेख छ ।