लागूऔषध थुपारिएको कोठाबाट चारजना पक्राउ
कास्कीको पोखरा महानगरपालिकामा चार जना युवक लागूऔषधसहित समातिएका छन् ।
प्रहरीले पोखरा महानगरपालिका–१७, तिनकुने चोकका १८ वर्षीय किशोरसहित चार जनालाई गएराति पक्राउ गरेको हो । विशेष सुराकीका आधारमा वडा प्रहरी कार्यालय बैदामबाट खटिएको प्रहरी टोलीले उनीहरुलाई ती किशोरको कोठाबाट लागूऔषधसहित रंगेहात नियन्त्रणमा लिएको बताइएको छ ।
प्रहरीले उनीहरुको साथबाट ५ सय १० मिलिग्राम ब्राउनसुगर र १ सय १८ नाईट्राभेट ट्याब्लेट बरामद गरेको थप अनुसन्धान गरिरहेको जनाएको छ ।
टिप्पणीहरू