गोदावरीमा स्कुटर दुर्घटना हुँदा कञ्चनपुरका कृष्ण रहेनन्
कैलालीको गोदावरीमा आज भएको सवारी दुर्घटनामा एक जनाको ज्यान गएको छ ।
गोदावरी नगरपालिका–१ मनहरास्थित सडकमा स्कुटर आफैँ अनियन्त्रित भई दुर्घटना हुँदा कञ्चनपुरको कृष्णपुर नगरपालिका–५ का ५० वर्षीय कृष्ण चौधरीको मृत्यु भएको हो । धनगढीबाट अत्तरियातर्फ जाँदै गरेको से.५ प ४६८४ नम्बरको स्कुटर गएराति दुर्घटना भएको प्रहरीले जनाएको छ ।
दुर्घटनामा गम्भिर घाइते भएका स्कुटर चालक चौधरीलाई तत्कालै उपचारका निम्ति पदमा अस्पताल लगिएको थियो । त्यँहाबाट थप उपचारर्थ धनगढीस्थित सेती प्रादेशिक अस्पताल पुर्याइएकोमा उपचारको क्रममा उनको प्राण गएको जिल्ला प्रहरी कार्यालय कैलालीले जनाएको छ ।
टिप्पणीहरू