भारतको हतियार निर्यात हालसम्मकै उच्च,१६ हजार करोड पुगेपछि प्रधानमन्त्री मोदी दङ्ग
भारतले गत आर्थिक वर्षमा हालसम्मकै सबैभन्दा धेरै रक्षा सामग्री (हतियार) निर्यात भएको बताएको छ । आर्थिक वर्ष २०२२/२३ मा उसले १५ हजार ९२० करोड भारतीय रुपैयाँ बराबरको रक्षा सामाग्री बिक्री गरेको थियो ।
रक्षामन्त्री राजनाथ सिंहले सार्वजनिक गरेको उक्त तथ्याङ्कप्रति प्रधानमन्त्री नरेन्द्र मोदीले ‘उत्कृष्ट, मेक इन इण्डियाको निम्ति मार्ग प्रशस्त’ भन्दै सामाजिक सञ्जालमा खुशी व्यक्त गरेका छन् । त्यस्तो निर्यात पछिल्लो पाँच वर्षमा एक हजार ५२१ करोडबाट बढेर अहिले १५ हजार ९२० करोड पुगेको छ । आगामी वर्ष ३५ हजार करोड पुग्ने अनुमान छ ।
भारतले हालैमात्र फिलिपिन्ससँग २ हजार ७७० करोड भारु बराबरको सैन्य हतियार र सामाग्री बिक्रीको सम्झौता गरेको छ । त्यसैगरी दक्षिणपूर्वी एसियाली राष्ट्रहरुमध्ये भियतनाम र इण्डोनेसियामा पनि उल्लेख्य निर्यात गर्दै आएको छ ।
भारतमा निर्मित रक्षा सामग्रीको माग पछिल्ला दिनमा मध्यपूर्वका युएई र साउदी अरेबियामा पनि बढेको बताइन्छ ।
ट्रेन्डिङ पोस्ट
टिप्पणीहरू