रामेछापमा जीप दुर्घटना, ४ को मृत्यु

रामेछापको मन्थलीमा भएको जीप दुर्घटनामा चार जनाको ज्यान गएको छ । स्थानीय भटौलीस्थित कौछिनीमा बोलेरो दुर्घटना हुँदा चार जनाको ज्यान गएको छ । 

सदरमुकाम मन्थलीबाट कौछिनीतर्फ जाँदै गरेको जीप दुर्घटनामा परेको बताइएको छ । बा ११ च ५५३ नम्बरको उक्त जीप दुर्घटनामा चार जनाको घटनास्थलमा मृत्यु भएको हो । १५ जना यात्रुमध्ये अन्य ११ जना घाइते भएका छन् । 

घाइतेलाई उपचारार्थ मन्थली ल्याइएको प्रहरीले जनाएको छ । मृतकको पहिचान हुन सकेको छैन ।