एसईई दिएर घर फर्कंदै गरेका विद्यार्थी सडकमा बिते

प्युठानमा एसईई परीक्षा दिएपछि घर फर्कंदै गरेका एक परीक्षार्थीको सडक दुर्घटनामा मृत्यु गएको छ । बेलबास माध्यमिक विद्यालय तापामा अध्ययनरत प्रतीक घर्तीको दुर्घटनामा ज्यान गएको बताइएको छ ।

स्वर्गद्वारी नगरपालिकाको गोठिबाङमा भएको दुर्घटनामा उनी बितेका हुन् । घर्ती विद्यानन्द माध्यमिक विद्यालय जुडापाटा परीक्षा केन्द्रमा एसईई दिएर घर फर्कंदै थिए । विद्यार्थीहरु चढेको लोकचेतना एकेडेमीको बस र मोटरसाइकल ठोक्किँदा घर्तीको ज्यान गएको हो ।

प्रहरीले दुबै सवारी साधनलाई नियन्त्रणमा लिएर आवश्यक अनुसन्धान थालेको बताइएको छ ।