भाजपा नेता चौथाइवाले १५ मीनेटमा सिंहदरबारबाट बाहिरिए
आइतबार स्थलमार्ग हुँदै धनगढी आइपुगेका भारतीय जनता पार्टी (भाजपा) का विदेश विभाग प्रमुख विजय चौथाइवाले सोमबार रातिदेखि काठमाडौंमा छन् । उनले यसबीचमा विभिन्न राजनीतिक दलका नेता तथा मन्त्रीहरुसँग भेटघाट गरिरहेका छन् ।
चौथाइवालेले हिजो अपरान्ह अर्थमन्त्री डा. प्रकाशशरण महतसँग भेटघाट गरेका हुन् । मन्त्री महत र चौथाइवालेबीच हिजो पौने ५ बजेको समयमा अर्थमन्त्रालयमा कुराकानी भएको बताइन्छ ।
त्यसअघि अस्ति बिहान उपप्रधान तथा गृहमन्त्री नारायणकाजी श्रेष्ठसँग भेटवार्ता गरेका भाजपा नेताले राति बाकोट पुगेर एमाले अध्यक्ष केपी शर्मा ओलीसँग डेढ घण्टा छलफल गरेका थिए ।
उनी धनगढीमा आयोजित नेपाल र भारतबीच सांस्कृतिक सम्बन्ध प्रगाढ बनाउने कार्यक्रममा सहभागी भएका हुन् । नेपाली काँग्रेस नेतृ तथा सभापति शेरबहादुर देउवाकी पत्नी डा. आरजु राणा देउवा उक्त कार्यक्रमको प्रमुख अतिथि हुनुहुन्थ्यो ।
टिप्पणीहरू