दुइवटा मतपत्र खसाल्न खोज्दा जसपाका नेता पक्राउ, मतदाताले आफुलाई भोट हालेको एमाले उम्मेदवारको दाबी
बाराको क्षेत्र नम्बर २ मा भइरहेको प्रतिनिधिसभा उपनिर्वाचनमा जनता समाजवादी पार्टी (जसपा)का एक स्थानीय नेता नक्कली मतपत्रसहित पक्राउ परेका छन् ।
देवताल गाउँपालिका- ७ पिपरपाती जब्दी मतदान केन्द्रबाट जसपा नेता रामसागर यादव नक्कली मतपत्रसहित पक्राउ परेका हुन् । मतदान गर्ने बेला नक्कली मतपत्र समेत खसाल्दै गर्दा उनी पक्राउ परेको प्रहरीले जनाएको छ ।
यसैबीच, बारा- २ का एमाले उम्मेद्वार पुरुषोत्तम पौडेलले बारा २ मा मतदातालाई प्रभावित पार्ने प्रयास भएको आरोप लगाएका छन् । उनले विभिन्न स्थानमा यस्तो प्रयास भएको जानकारी पाएको दाबी गरे ।
तर, मतदाताले एमालेलाई मत दिने उनको भनाई छ । ‘मतदानको ट्रेन्ड हेर्दा एमालेको पक्षमा मतदान देखिन्छ । केही स्थानमा मतदातालाई प्रभावित पार्न रकम बाँडिएको सूचनासमेत आएको छ । यति हुँदाहुँदै पनि जनताले हामीलाई विश्वास गरेर मत दिन्छन्,’ उनले भने।
टिप्पणीहरू