सवारी दुर्घटनामा घाइते वडाध्यक्षको निधन

सवारी दुर्घटनामा घाइते कीर्तिपुर नगरपालिका ४ का वडाध्यक्षको निधन भएको छ । नयाँ वर्षको दिन मोटरसाइकल दुर्घटनामा गम्भीर घाइते भएका वडाध्यक्ष श्यामकुमार अधिकारीको आज निधन भएको जनाइएको छ ।

उनको माइतीघरस्थित अन्नपूर्ण न्यूरो अस्पतालमा उपचार भइरहेको थियो । अघिल्लो वर्ष सम्पन्न स्थानीय तह निर्वाचनमा अधिकारी स्वतन्त्र उम्मेदवारी दिएर निर्वाचित भएका थिए ।

वडाध्यक्षमा निर्वाचित अधिकारीको ११ महिनामा निधन भएको हो । उनी नयाँ वर्षको दिन चम्पादेवी सरसफाई कार्यक्रममा सहभागी भएर फर्कने क्रममा मोटरसाइकल दुर्घटनामा परेर गम्भीर घाइते भएका थिए ।