बीपी राजमार्गमा कार पल्टियो, दुई जनाको निधन

बनेपा–बर्दिबास सडक (बीपी राजमार्ग) मा आज बिहान भएको कार दुर्घटनामा दुई जनाको मृत्यु भएको छ । कमलामाई नगरपालिका–२ को पिपलभन्ज्याङ घुम्तीमा गुडिरहेको कार सडकबाट तल खसेको बताइएको छ ।

काठमाडौंबाट सिन्धुली जाँदै गरेको बा. ८ च ९१३५ नम्बरको कार दुर्घटनामा परेको हो । कारमा रहेका तीनमध्ये दुई जनाको घटनास्थलमा निधन भएको प्रहरीले जनाएको छ ।

झापाको सुरुङ्गा–४ का ४३ वर्षीय कुमार पुरी र सिन्धुलीको मरिण गाउँपालिका–३ की ३८ वर्षीया सहारा प्रर्साईंको मृत्यु भएको छ । सिन्धुली जिल्ला प्रहरी कार्यालयका अनुसार घाइते योगेन्द्र थापाको सिन्धुली अस्पतालमा उपचार भइरहेको छ ।