पुलमुनिबाट समातिएकी तारा बरालको भारतीय दूतावास जाने तयारी

आफूलाई अभियन्ता भन्दै विरोधका विभिन्न गतिविधि गर्दै आएकी तारा बरालको समूह आज भारतीय दूतावास जाने भएको छ । 

बराल समूहले भ्रष्टाचारी, हत्यारा नेताहरुलाई भारतमा आश्रय नदिन अनुरोध गर्दै ज्ञापन पत्र दिन लागेको जानकारी बुझिएको छ । सो टोली समूह दिउँसो १ बजे लैनचौरस्थित दूतावास जान लागेको हो ।
उनै बराललाई हिजो साँझ प्रहरीले धोबीखोला पुलमुनिबाट पक्राउ गरेको थियो ।

नक्कली भुटानी शरणार्थीका अभियुक्तहरुलाई कडा कारबाहीको माग गर्दै मसाल जुलुस निकाल्न खोजेपछि बराललगायत तीन जनालाई पुलमुनिबाट नियन्त्रणमा लिइएको बताइन्छ । 

प्रहरीले पक्राउ गर्नुअघि उनीहरुले काँग्रेस सभापति शेरबहादुर देउवा,एमाले अध्यक्ष केपी शर्मा ओली, पूर्वगृहमन्त्री बालकृष्ण खाँणविरुद्ध चर्का नारा लगाएका थिए ।