धरानमा म्याग्जिनसहितको पेस्तोल बरामद
मकवानपुर र महोत्तरीमा हतियार फेला परेको भोलिपल्ट सुनसरीमा पनि हतियार भेटिएको छ । धरानमा दुई थान स्वचालित पेस्तोल र एक थान म्यागजिन फेला परेको बताइएको छ ।
धरान १७, डाँडाघोपाबाट स्थानीय २९ वर्षे हुकमेन जिमी र १५ नम्बर वडाका २४ वर्षे रोहित राईसङ्गै ती पेस्तोल र म्यागजिन फेला परेको जिल्ला प्रहरी कार्यालय, सुनसरीले जनाएको छ ।
मकवानपुरमा थाहा नगरपालिका १२, तल्लो बसन्तबाट र महोत्तरीको हलखोरीबाट अस्ति भरुवा बन्दुक र गोलीसहितको पेस्तोल फेला परेको थियो ।
थाहा नगरपालिकाका ५५ वर्षे बुद्धेराम थिङको साथबाट एक नाले भरुवा बन्दुक र महोत्तरीमा भारत सीतामढीका २५ वर्षे पप्पु यादवको साथबाट पेस्तोल बरामद भएको थियो ।
टिप्पणीहरू