श्रीमती मारेर सेफ्टी ट्याङ्कीमा फालेका गर्भे समातिए
श्रीमती मारेर सेफ्टी ट्याङ्कीमा शव फालेपछि फरार गर्भे समातिएका छन् ।
रोल्पाको सुनछहरी गाउँपालिका वडा नम्बर ६, फगामका ३९ वर्षीय गर्भे विक चन्द्रागिरीमा पक्राउ परेका हुन् । विकले फागुन २० गते २६ वर्षीया श्रीमती केशु विकको हत्या गरेर सेफ्टी ट्याङ्कीमा फालेका थिए ।
प्रहरीका अनुसार केशुको हत्या गरेर कपिलवस्तुको शिवराज नगरपालिका–५ चन्द्रौटास्थित सवारी साधन रिफ्रेस सेन्टरको सेफ्टी ट्रयाङ्कीमा शव फालेर उनी फरार भएका हुन् ।
प्रहरीको काठमाडौँ उपत्यका अपराध अनुसन्धान कार्यालयबाट खटिएको टोलीले काठमाडौंको चन्द्रागिरीबाट उनलाई नियन्त्रणमा लिएको जनाइएको छ । आवश्यक कानूनी कारबाहीको निम्ति वडा प्रहरी कार्यालय चन्द्रौटा, कपिलवस्तु पठाइएको छ ।
टिप्पणीहरू