दाङमा बस ठोक्कियो : एकको निधन, ११ जना चिन्ताजनक

दाङमा भएको सवारी दुर्घटनामा एक जनाको निधन भएको छ । घाइते २२ जनामध्ये ११ जनाको अवस्था गम्भीर रहेको बताइएको छ ।

वीरगञ्जबाट तुलसीपुरतर्फ जाँदै गरेको बस र लमहीबाट आउँदै गरेको बस पूर्व–पश्चिम राजमार्गमा ठोक्किएपछि उक्त दुर्घटना भएको हो ।

प्रहरीका अनुसार लु.२ ख ७८५ नम्बर र ना.५ख ४८९८ नम्बरको बस आज बिहान ठोक्किँदा रोल्पा रुन्टीगढी ७ की शोभा परियारको निधन भएको छ । बसमा रहेका उनका दुई छोरा घाइते भएका छन् । 

घाइतेहरुलाई बुटवल, भैरहवा र कोहलपुर अस्पतालमा लगिएको छ ।