जापानमा शक्तिशाली राष्ट्रहरुको बैठकअघि चीनमा मध्य एसियाली राष्ट्रहरुको भेला

आजदेखि जापानमा विश्वको महाशक्ति राष्ट्र अमेरिकासँगै सात औद्योगिक राष्ट्रहरुको समूह जी ७० को बैठक शुरु भएको छ । भारत लगायत अन्य पर्यवेक्षक मुलुकका राष्ट्र तथा सरकार प्रमुखहरु पनि बैठकमा सहभागी हुन हिरोशिमा पुग्ने क्रम जारी छ । 

यता, चीनले भने उत्तर पश्चिम सियान शहरमा मध्य एसियाली राष्ट्रहरुको दुई दिने सम्मेलन आयोजना गरेको छ । सम्मेलनमा चिनियाँ राष्ट्रपति सि जिनपिङसहित कजाकस्तान, किर्गिस्तान, ताजिकिस्तान, तुर्कमेनिस्तान र उज्बेकिस्तानका कार्यकारी प्रमुखहरु सहभागी भएका छन् । 

उक्त सम्मेलनलाई पश्चिमा राष्ट्रहरुले चीनको बेल्ड एण्ड रोड इनिसिएटिभ (बीआरआई) सँग जोडेर व्याखा गरेका छन् । तर, चीनले ती सबै मुलुक चीनसँग सीमाना जोडिएका र नजोडिए पनि नजिकका छिमेकी मुलुकको रुपमा अथ्र्याउँदै सो क्षेत्रको विकास र सुरक्षासँग सम्मेलन सम्बन्धित रहेको बताएको छ ।