पाँचथरका दिनेश काठमाडौँमा समातिए

काठमाडौँमा खैरो हिरोइनसहित पाँचथरका दिनेश लोवा पक्राउ परेका छन् । पाँचथरको फिदिम नगरपालिका–१० घर भएका ३९ वर्षीय उनलाई प्रहरीले गएराति समातेको हो । 

विशेष सूचनाको आधारमा लागूऔषध नियन्त्रणमा ब्यूरो कोटेश्वरबाट खटिएको टोलीले १९ ग्राम ५ सय मिलिग्राम खैरो हिरोइनसहित लोवालाई नियन्त्रणमा लिएको जनाएको छ । 

प्रहरीले उनको साथबाट एक थान डिजिटल तराजु र ७० हजार रुपैयाँ नगद पनि बरामद गरेको छ । उनीमाथि थप अनुसन्धान भइरहेको प्रहरीले जनाएको छ ।