रेशम छुटेकोमा रवि लामिछाने खुशी, छुटाएकोमा रुष्ट

राष्ट्रिय स्वतन्त्र पार्टी (रास्वपा) का सभापति रवि लामिछानेले आममाफी पाएर जेलमुक्त भएका रेशम चौधरीको रिहाइले आफूलाई खुशी लागेको बताएका छन् । 

आज सञ्चारकर्मीहरुसँग कुरा गर्दै उनले चौधरीको रिहाइले आफू खुशी भएपनि छुटाउने प्रक्रियाप्रति भने असन्तुष्टी जनाए । आममाफी दिएर छुटाइएकाले चौधरीले न्याय नपाएको लामिछानेको भनाइ छ ।

रेशम चौधरी निर्दोष छन् भन्ने विश्वासका साथ हाम्रो पार्टीले लाल आयोगको प्रतिवेदन सार्वजनिक गर्न माग गर्दै आएको थियो । छुट्नुभयो, ठीक छ’, उनले भने, ‘तर जुन प्रक्रियाबाट छुटाइयो त्यसले उहाँमाथि न्याय भएन ।’

रेशम निर्दोष भएर नछुटेकाले उनले आफ्नो लडाईं नजितेको पनि लामिछानेले बताए । ‘उहाँको रिहाइ विजय होइन, त्यो बाँकी नै छ’, उनले भने ।