गुजरातका गुरुको काठमाडौंमा प्रवचन

भारतीय प्रधानमन्त्री नरेन्द्र मोदीको गृहराज्य गुजरातका धार्मिक गुरु आज काठमाडौं आउन लागेका छन् । उनी नयाँ दिल्ली हुँदै दिउँसो ४ बजे इण्डिगो एअरको उडानमा आउने बताइएको छ ।

धृतिमान नाथ सम्प्रदायका छोटेदादाले भोलि र पर्सि गौशालास्थित होटल आनन्दको आरोग्य हलमा प्रवचन दिने कार्यक्रम छ । भोलि र पर्सि बिहान सवा ९ बजेदेखि सवा १२ बजेसम्म प्रवचन दिइनेछ । 

माँ विमला अखुट अन्न क्षेत्र ट्रस्ट, नवनाथ धाम, बिलीमोरा, गुजरातले कार्यक्रम आयोजना गर्न लागेको हो । रमणीय नेपाल दर्शन शीर्षकमा भारतीय भक्तजनलाई नेपाल जान आग्रह गरिएको छ ।

 

दुई दिनको प्रवचन युट्युबको छोटेदादा च्यानलमा प्रत्यक्ष प्रशारण गर्ने कार्यक्रमसमेत मिलाइएको जानकारी आयोजक संस्थाले दिएको छ ।