सहमति तोडिएपछि बौद्ध–साँखु सडक बन्द

जोरपाटीबाट साँखु जाने सडक आज पनि अवरुद्ध पारिएको छ । तोकिएको समयभित्र सडक निर्माण सम्पन्न नगरिएपछि स्थानीयले सडक बन्द गराएको बताएका छन् । 

उनीहरुले आज बिहान साढे १० बजेदेखि नारायणटार पुलदेखि दक्षिण ढोकासम्म दुवैतर्फका सवारी आवागमन रोकेका थिए ।

यसअघि जेठ १० गतेभित्र निर्माण गरिसक्ने सहमति गरेपनि पालना नभएको जनाउँदै उनीहरुले सडक अवरुद्ध पारेका हुन् । केही महिनाअघि पनि सडक निर्माण तोकिएको समयमा पूरा नगरेको भन्दै जोरपाटीदेखि साँखुसम्मका स्थानीयले पटकपटक सवारी आवागमनमा अवरोध पुर्याएका थिए ।