कोशीमा फालहाल्ने निर्णय गरेकी वृद्धा चुपचाप

सप्तकोशीमा हाम्फाल्न खोजेकी वृद्धाको प्रहरीले उद्धार गरेको छ । हिजो दिउँसो साढे ४ बजे अन्दाजी ६६ वर्षकी महिला सप्तकोशी नदीमा हामफाल्न खोज्दै गर्दा प्रहरीले एकाएक उद्धार गरेको बताइन्छ ।

हामफाल्ने सुरसार गरेको देखेपछि उद्धार गरेर बेलका नगरपालिकाको कार्यालय रामपुर (सेफ हाउस) मा सुरक्षित राखिएको हो ।

 
हातले बुनेको रातो नीलो कोठे झोला भिरेकी, हातमा घडी लगाएकी बान्तवा भाषा र नेपाली दुबै बोल्न सक्ने भएपनि उनी चुपचाप देखिन्छन् । धरानबाट आएको बाहेक घर परिवारबारे नबताएपछि  वृद्ध महिलालाई चिन्ने जोसुकैले आफन्तलाई खबर गरिदिन इलाका प्रहरी कार्यालय रामपुर ठोक्सिलाले अनुरोध गरेको छ ।