प्रहरी महानिरीक्षक दिल्ली हुँदै सिंगापुर प्रस्थान, पूर्वप्रमुख काठमाडौं आगमन

प्रहरी महानिरीक्षक बसन्तबहादुर कुँवर आज भारतको राजधानी नयाँ दिल्ली हुँदै सिंगापुर गएका छन् । प्रमुख कुँवर इन्टरपोलको कार्यक्रममा सहभागी हुन भिस्तारा एअरको उडानमा नयाँ दिल्ली हुँदै गएका हुन् । 

प्रहरी महानिरीक्षक कुँवर श्रीमती लक्ष्मी कुँवरका साथ भिस्तारा एअरको उडान नम्बर युके १५६ मा साँझ पौने ६ बजे नयाँ दिल्लीतर्फ उडेका हुन् । सिंगापुरमा पर्सिदेखि शुक्रबारसम्म इन्टरपोलको हेड अफ एनसीबी कन्फरेन्स हुँदैछ । 

यता पूर्व प्रहरी महानिरीक्षक धिरजप्रताप सिंह नेपालगञ्जबाट काठमाडौं आएका छन् । सिंह बुद्ध एअरको उडानमा साँझ ७ बजे राजधानी आइपुगेका हुन् ।