जिल्ला अदालत छेउबाट विप्लवका एक दर्जन कार्यकर्ता गिरफ्तार
नेत्रविक्रम चन्द विप्लव नेतृत्वको नेपाल कम्युनिष्ट पार्टीका एक दर्जन कार्यकर्ता काठमाडौंको बबरमहलस्थित जिल्ला अदालत अगाडिबाट समातिएका छन् ।
नक्कली भुटानी शरणार्थी प्रकरणलाई लिएर प्रदर्शनमा उत्रिएका विप्लवका कार्यकर्तालाई प्रहरीले आज दिउँसो पक्राउ गरेको हो । पक्राउ पर्नेमा सो पार्टीनिकट अनेरास्ववियु (क्रान्तिकारी) का अध्यक्ष प्रकाश शाहीसहित १५ जना रहेको बताइएको छ । उनीहरुलाई प्रहरी वृत्त सिंहदरबार पुर्याइएको छ ।
ब्यानर र पम्प्लेटसहित नाराबाजी गर्दै माइतीघर मण्डलाबाट जिल्ला अदालत अगाडि पुगेपछि प्रहरीसँग आमनेसामने हुँदा उनीहरुलाई नियन्त्रणमा लिइएको प्रहरीले बताएको छ ।
टिप्पणीहरू