यसवर्ष एकदिन ढिला भित्रियो मनसुन

यस वर्षको मनसुन नेपाल भित्रिएको छ । मौसम पूर्वानुमान महाशाखाका अनुसार आजदेखि मनसुन शुरु भएको हो । 

कोशी, पूर्वी मधेश, बागमती प्रदेशका अधिकांश भूभाग र गण्डकी प्रदेशका पूर्वी भूभागमा मनसुन आगमन भएको महाशाखाले जनाएको छ । नेपालमा मनसुन भित्रिने सरदर जुन १३ भएपनि यसवर्ष एक दिन ढिला भएको पनि महाशाखाको भनाई छ । 

मुलुकको अन्य भूभागमा भने केही दिनमा क्रमिक रुपमा मनसुन फैलिदैं जाने महाशाखाले बताएको छ ।