काठमाडौंका भित्री सडकमा सवारी आवागमन अस्तव्यस्त

‘जग्रनाथ रथयात्रा’ को शुभारम्भसँगै काठमाडौंका भित्री सडकमा अत्यधिक ट्राफिक जाम भएको छ । पुतलीसडक, बागबजार, भृकुटीमण्डपलगायत भित्री सडकमा सवारी आवागमन अस्तव्यस्त बनेको बताइएको छ ।

आज बिहान काठमाडौँको कमलादीस्थित राष्ट्रिय प्रज्ञा प्रतिष्ठानबाट जग्रनाथ रथयात्राको शुभारम्भ भएको हो । रथयात्रा पुतलीसडक, पद्योदय मोड, भृकुटीमण्डप, भद्रकाली, सुन्धारा, न्यूरोड गेट, वसन्तपुर हुँदै टुंँडिखेलसम्म पुग्नु अगावै भित्री शहरको ट्राफिक अस्तव्यस्त भएको हो ।

आज दिउँसो ४ बजेसम्म रथयात्रा हुने भएकाले सो समयसम्म वैकल्पिक मार्गको प्रयोग गर्न समेत ट्राफिकले अनुरोध गरेको छ । तर, बिहानदेखिको अस्तव्यस्त सवारी आवागमनले यात्रु मर्कामा परेका छन् ।