रुकुममा जिप दुर्घटना, १० जना घाइते
रुकुम पश्चिममा आज बिहान जिप दुर्घटना भएको छ । मुसिकोट नगरपालिका–१ मा भएको जिप दुर्घटनामा १० जना घाइते भएका छन् ।
जिल्ला प्रहरी कार्यालयका अनुसार अधिकांश घाइते मुसिकोट नगरपालिकाका बासिन्दा हुन् । स्थानीय डिग्रे साईकुमारी मन्दिरको दर्शन गर्न जाने क्रममा उनीहरु चढेको भे. १ च २७९६ नम्बरको जिप दुर्घटनामा परेको हो । जिप सडकबाट झण्डै २० फिट तल खसेको छ ।
अधिकांश महिला यात्रु रहेको जिप दुर्घटनामा परेकी घाइते वर्षा केसीको अवस्था गम्भीर रहेको बताइएको छ । घाइते सबैको जिल्ला अस्पतालमा उपचार भइरहेको छ ।
टिप्पणीहरू