दार्चुलामा वडाध्यक्ष बिते, लगत्तै शोक बिदाको घोषणा
दार्चुलाको दुहुँ गाउँपालिका वडा नम्बर ५ का वडाध्यक्षको निधन भएको छ । वडाध्यक्ष मनोरथ भट्ट आज बिहान बितेका हुन् ।
५५ वर्षीय वडाध्यक्ष भट्ट हिजो बिहानदेखि बिरामी परेको बताइन्छ । हिजो टाउको दुखेको भन्दै उनी अस्पताल गएका थिए । प्रहरीका अनुसार आज बिहान थप उपचारको निम्ति धनगढी लैजाने क्रममा उनको निधन भएको हो ।
उनी २०७९ वैशाखमा भएको स्थानीय तहको निर्वाचनमा माओवादी केन्द्रको तर्फबाट वडाध्यक्ष विजयी भएका थिए । उनको निधनको खबरसँगै गाउँपालिकाले आज आज सार्वजनिक बिदा दिएको छ ।
टिप्पणीहरू