झापामा ट्रक र कार ठोक्कियो, दुईको निधन
झापामा ट्रक र कार ठोक्किँदा दुई जनाको ज्यान गएको छ । शिवसताक्षी नगरपालिका ९, भालुखोलामा भएको दुर्घटनामा उनीहरुको मृत्यु भएको बताइएको छ ।
प्रहरीका अनुसार कारमा सवार मोरङको उर्लाबारी ६ का ४५ वर्षीय गुरुचन चौधरी र उनकी छोरी १७ वर्षीया कुमकुम चौधरीको घटनास्थलमा निधन भएको हो । पूर्वबाट पश्चिमतर्फ गइरहेको प्र १–०२–०० क ३८७९ नम्बरको ट्रक र पश्चिमबाट पूर्व गइरहेको प्र १–०१–०० च ७४८२ नम्बरको कार एकापसमा ठोक्किएको हो ।
त्यसैगरी मृतक गुरुचनका छोरा १० वर्षीय विवेक चौधरी घाइते भएका छन् । अन्य घाइतेमा १९ वर्षीय रिकेश न्यौपाने र ४० वर्षीया मुना साह हुन् । घाइते सबैको बिर्तामोडस्थित बी एण्ड सी अस्पतालमा उपचार भइरहेको छ ।
टिप्पणीहरू