रक्षामन्त्रीको टोली आज राति मस्कट जाने

उपप्रधान तथा रक्षामन्त्री पूर्णबहादुर खड्का ओमानको राजधानी मस्कट जानुहुने भएको छ । नौ सदस्यीय टोलीको नेतृत्व गर्दै रक्षामन्त्री राति साढे ९ बजे सलाम एयरको जहाजबाट मस्कट उड्ने बताइएको छ । 

टोलीमा पूर्वमन्त्री तथा माओवादी केन्द्रका उपमहासचिव जनार्दन शर्मा, श्रम मन्त्रालयका सहसचिव रामचन्द्र ढकाल, आभाषकुमार लभ, लक्ष्मी पौडेल, सुशिलप्रसाद आचार्य, सरोजप्रसाद दाहाल, सुवास थापा र रुपक लामिछाने रहेको बुझिएको छ ।

मस्कटमा हुने आठौँ एनआरएनए मध्यपूर्व क्षेत्रको कन्फरेन्समा उपप्रधानमन्त्री खड्कालाई प्रमुख अतिथिका रुपमा निम्त्याइएको छ ।