भुटानबाट आएलगत्तै राष्ट्रसंघीय उपमहासचिव दोहा प्रस्थान

नेपाल भ्रमणमा रहनुभएका संयुक्त राष्ट्र संघका उपमहासचिव जाँ पियरे ल्याक्रोइक्स अमेरिका प्रस्थान गर्नुभएको छ । उहाँ बिहान पौने १२ बजे काठमाडौंबाट कतार एअरवेजको उडान नम्बर क्युआर ६५३ मा दोहा हुँदै न्युयोर्क जानुभएको हो ।

संयुक्त राष्ट्र संघमा पिस अपरेसनको जिम्मेवारीमा रहनुभएका उपमहासचिव ल्याक्रोइक्स आज बिहान भुटानबाट फर्कनुभएको थियो । उहाँ डु्रक एअरको उडान नम्बर केबी ४४० मा पौने ८ बजे पारोबाट काठमाडौं आइपुग्नुभएको बताइन्छ । उहाँ शुक्रबार बिहान काठमाडौंबाट पारो हुँदै भुटान भ्रमणमा जानुभएको थियो ।