नहरमा डुबेका दुईमध्ये एकको जिवितै उद्धार, अर्का बेपत्ता
मोरङको जहदा गाउँपालिका–३ मा नहरमा डुबेर एक जना बेपत्ता भएका छन् । डुबेका दुई जनामध्ये एकको जिवितै उद्धार गरिएको छ ।
हिजो साँझ नहरमा पौडी खेल्ने क्रममा डुबेर भारतको बिहार सिनुवारी घर भएका २० वर्षीय गणित राजवंशी बेपत्ता भएका हुन् । उनी जहदा–३ स्थित मामा घरमा बस्दै आएका थिए ।
सोही वडाका १८ वर्षीय दीपेश राजवंशीसँगै उनी पौडी खेल्न नहरमा छिरेका थिए । प्रहरी चौकी मझारेबाट खटिएको टोलीले स्थानीयको सहयोगमा दिपेशलाई सकुशल उद्धार गरेको थियो ।
जिवितै उद्धार गरिएकाको अवस्था सामान्य रहेको बताइन्छ ।
टिप्पणीहरू