पर्वतमा जिप दुर्घटना, बालिकाको निधन

पर्वतको कुश्मा नगरपालिका–३ दुर्लुङमा भएको जिप दुर्घटनामा बालिकाको मृत्यु भएको छ । जिपमा सवार अरु ११ जना घाइते भएको बताइएको छ ।

कुश्माबाट दुर्लङतर्फ जाँदै गरेको ग.१ ज ५२२९ नम्बरको जिप दुर्घटनामा कुश्मा–३ की ७ वर्षीया बालिका शीतल विकको मृत्यु भएको हो । उनको उपचारको क्रममा जिल्ला अस्पतालमा मृत्यु भएको प्रहरीले जनाएको छ ।

गएराति भएको दुर्घटनामा गम्भीर घाइतेमध्ये दुई जनालाई पोखरा लगिएको छ । चालकलाई नियन्त्रणमा लिएको बताइएको छ ।