डोनाल्ड लु फर्केलगत्तै एमसीसी डाइरेक्टरहरुको ओइरो

दक्षिण तथा मध्य एसियासम्बन्धी अमेरिकी विदेश सहायकमन्त्री डोनाल्ड लु नेपालको एक दिने भ्रमण सकाएर शनिवार राति फर्केका छन् । उनी शुक्रबार बिहान साढे ११ बजे बंगलादेशको राजधानी ढाकाबाट काठमाडौं ओर्लिएलगत्तै विभिन्न राजनीतिक भेटघाटमा व्यस्त भएका थिए । 

लु शनिवार राति २ बजे दोहा हुँदै अमेरिका फर्केपछि हिजो अमेरिकी सहयोग परियोजना एमसीसीका निर्देशक काठमाडौं आएका छन् । एमसीसीका प्रोक्योरमेन्ट डाइरेक्टर जुलियो सिजर सारिया हिजो साँझ दोहा हुँदै काठमाडौं आइपुगेका हुन् । 

उनीसँगै एमसीसीको सँसद तथा जनसम्पर्क विभागकी म्यानेजिङ डाइरेक्टर क्याथरिन लेह सेडलर कतार एअरवेजको उडान नम्बर क्युआर ६४६ मा साँझ साढे ५ बजे त्रिभुवन अन्तर्राष्ट्रिय विमानस्थलमा ओर्लिएका छन्  ।