दुबई जान लागेका यात्रुको झोलामा हजारौं डलरसहित चार देशका मुद्रा

काठमाडौंबाट दुबई जान लागेका चार जना यात्रुको साथबाट हजारौं अमेरिकी डलरसहित अन्य देशका मुद्रा फेला परेको छ । 

हिजो राति साढे १० बजे हिमालय एयरलाइन्सको दुबई जान लागेका चारै जनालाई प्रहरीले विदेशी मुद्रासहित पक्राउ गरेको हो । उनीहरुको साथबाट अमेरिकी डलर ४१ हजार चार सय, साउदी रियाल १९ हजार पाँच सय, ओमान रियाल एक हजार ३५७ र बहराइन दिनार ३०८ फेला परेको हो ।

सन्तोष पन्थी, दिपेश राना, सूर्यमणि भण्डारी र अनिश थापा उक्त परिमाणको विदेशी मुद्रासहित समातिएका हुन् । उनीहरुमाथि आवश्यक अनुसन्धान भइरहेको बताइएको छ ।