भन्सारका दुई कर्मचारीलाई निलम्बन, सुन जोख्न राष्ट्र बैंकलाई अनुरोध

त्रिभुवन विमानस्थल भन्सार कार्यालयबाट तस्करीको सुन छुटाएको आरोपमा भन्सार कार्यालयमा कार्यरत दुई जना कर्मचारीलाई निलम्बनको प्रक्रिया अघि बढाइएको छ । 

त्रिभुवन विमानस्थल भन्सार कार्यालयमा कार्यरत भन्सार अधिकृत सन्तोष चन्द र खरिदार कुमार ढकाललाई निलम्बनको निम्ति सिफारिस गरिएको बताइएको छ ।

ब्रेक सुमा लुकाएर ल्याइएको सुनको परिमाण यकिन गर्न नेपाल राष्ट्र बैंक पठाउने तयारी गरिएको बताइन्छ । कार्गोमा ब्रेक सु भनिएको सामान ३२० थान पाइएको छ । 

अस्ति राति हङकङबाट आएको कार्गोमा मोटरसाइकल र स्कुटरको ब्रेक सुभित्र लुकाएर ल्याइएको सुन छाडेको आरोपमा भन्सार एजेन्टसहित छ जना पक्राउ परेका छन् ।