महाँकाल मन्दिरको भित्तो भत्किएपछि गुठियारहरुबीच छलफल

राजधानीको मध्य भागमा रहेको महाँकाल मन्दिरको भित्तो भत्किएको छ । आज बिहानीपख पानी ट्याङ्कर ठोक्किएको प्रहरीले जनाएको छ ।

ना.२ क ४० नम्बरको ट्याङ्कर अनियन्त्रित गतिमा हाँकेपछि ठोक्किएको हो । ट्याङ्कर चालक ५९ वर्षे तेजबहादुर खत्री घाइते भएका छन् । उनको मन्दिर सामुन्नेको ट्रमा सेन्टरमा उपचार भइरहेको छ । 

चालकको अवस्था गम्भीर रहेको अस्पतालले जनाएको छ । मन्दिरको भित्तो भत्किएपछि त्यसको पुनःनिर्माणबारे गुठियारहरुबीच बिहानदेखि छलफल भएको बुझिएको छ ।