वृद्धभत्ता बुझ्न गएका हिजो फर्केनन्, आज लाश फेला

बैतडीमा एक वृद्ध मृत फेला परेका छन् । पञ्चेश्वर गाउँपालिका वडा नम्बर ६, रोडीदेवलका ७० वर्षिय धनसिंह भण्डारी आज बिहान मृत भेटिएका हुन् ।

प्रहरीका अनुसार उनी हिजो बिहान वृद्धभत्ता बुझ्न घरबाट निस्किएका थिए । वृद्धभत्ताको लागि गाउँपालिकाको वडा नम्बर ३, कुलाउ गएका भण्डारीको गोगनपानी भन्ने स्थानमा शव फेला परेको प्रहरीले जनाएको छ ।

प्रहरीले घटना सम्बन्धमा अनुसन्धान जारी रहेको बताएको छ ।