झम्सिखेल नजिकै मोटरसाइकल दुर्घटना, चालक सिकिस्त

ललितपुरको ठाडोढुङ्गामा मोटरसाइकल दुर्घटना भएको छ । दुर्घटनामा मोटरसाइकल चालकको अवस्था गम्भीर रहेको बताइएको छ ।

चक्रपथबाट ठाडोढुंगा हुँदै पुल्चोकतर्फ जाँदै गरेको बा.९७ प ८८८८ नम्बरको मोटरसाइकल सडक छेउको घरको भित्तामा ठोक्किँदा ३४ वर्षीय चालक एलेक्स बज्राचार्य गम्भीर घाइते भएका हुन् । ठेगाना नखुलेको उनको नजिकैको स्टार हस्पिटलमा उपचार  भइरहेको छ ।

घटनाबारे थप अनुसन्धान भइरहेको जिल्ला प्रहरी कार्यालय ललितपुरका एसपी नवराज कार्कीले बताए । प्रहरी र स्थानीयले तीब्र गतिका कारण उक्त दुर्घटना भएको बताएका छन् ।