महासेठको पसलमा आगो लाग्दा लाखौँको धनमाल खरानी

महोत्तरीमा भएको आगलागीबाट लाखौँको धनमाल नष्ट भएको छ । पिपरा गाउँपालिका वडा नं.१ ढेकहा चोकस्थित रेखा महासेठको हार्डवेयर पसलमा आगालगी हुँदा २० लाख बराबरको धनमाल क्षति भएको हो । 

गएराति विद्युत सर्ट भई लागेको आगोले पसलमा बेच्न राखिएका हार्डवेयर सामानहरु जलेर खरानी भएको बताइएको छ । 

आगलागी स्थानीय बासिन्दा र दमकलको सहयोगमा नियन्त्रणमा लिइएको थियो । घटनाबारे थप अनुसन्धान भइरहेको प्रहरीले जनाएको छ ।