भित्तो प्वाल पारेर ४० करोडको गहना लुटियो

भारतको राजधानी नयाँ दिल्लीको एउटा गहना पसलबाट २० देखि करोड भारु अर्थात् ३२ देखि ४० करोड नेपाली रुपैयाँ बराबरका गरगहना लुटिएको छ । स्थानीय भोगालमा रहेको एउटा गहना पसलबाट उक्त मूल्यका गरगहना हराएको बताइएको छ । 

आइतबार साँझ पसल बन्द गरेर गएका पसलका मालिक सञ्जिव जैनले आज बिहान सटर खोलेपछि गहना लुटिएको पत्तो पाएका थिए । हिजो उक्त पसल बन्द थियो ।

उनका अनुसार पसलको गारो प्वाल पारेर गहना लुटिएको देखिएको छ । सिसिटिभीसमेत सबै तोडफोड गरिएको पाइएको छ । पसलभित्र राखिएको लकरबारे प्रहरीले अनुसन्धान थालेको छ ।

प्रहरीले चोरीमा संलग्न शंकास्पदहरुको बारेमा अनुमान लगाए पनि त्यसअघि गहनाको खुद मूल्यबारे आवश्यक प्रक्रिया थालेको बताएको छ ।