सपनामा मुलुकको समृद्धि देख्ने विनोद चौधरी विपनामा आफ्नै अनुहार देख्दै

विवादास्पद व्यापारी तथा काँग्रेस सांसद विनोद चौधरीले फेरि अर्को सपना बाँडेका छन् । एमाले अध्यक्ष केपी शर्मा ओली प्रधानमन्त्री रहँदा बाँडिएको समृद्ध नेपालको पासा चौधरीले यतिखेर सामाजिक सञ्जाल र वेवसाइटमार्फत् फालेका हुन् ।

उनले राजनीतिक तथा सामाजिक विषयवारे जानकारी दिन नयाँ वेवसाइट खोलेको बताएका छन् । त्यसका लागि नयाँ नारा ‘मेरो सपना समृद्ध नेपाल’ अघि सारेका छन् । 

तर,मुलुकबाट गैरकानुनी ढंगले विदेशी मुद्रा बाहिर पुर्याएको,डलर अर्बपति हुँदा पनि सुको नेपाल नभित्र्याएको,बेला बेलामा कर र राजश्व छली गरेकोलगायत आरोप उनीमाथि लाग्दै आएको छ । उनै चौधरीले सपनामा मुलुकलाई समृद्ध बनाउने उद्देश्य राखेका छन् । तर, विपनामा भने मुलुकलाई दिनेभन्दा मुलुकबाट लिने मात्रै काम गरेको पाइन्छ । 

उनै चौधरीमाथि भारतमा समेत आयकर छलेको आरोप लागेको छ । अघिल्लो साता बुधबार मध्यप्रदेशको राजधानी जयपुर नजिकै रहेको वाइवाइ कम्पनीले आयकर छलेको आरोपमा भारतीय आयकर विभागले छापा मारेको थियो । चौधरी भने काठमाडौंबाट दुबई पुगेर त्यहाँको हिसाब मिलाउँदै रविशंकरको कार्यक्रममा भाग लिन अमेरिका पुगेका थिए ।