सल्यानमा दुई जनाको मृत्यु, एक सय बढी घरमा क्षति

जाजरकोट र रुकुम पश्चिममा गएको विनाशकारी भूकम्पको असर सल्यानमा पनि परेको छ । सबैभन्दा धेरै जाजरकोटमा सर्वसाधारणको ज्यान गएको छ । 

भूकम्पका कारण रुकुममा पनि धेरै जनधनको क्षति भएको छ । प्राप्त जानकारी अनुसार सल्यानमा पनि भूकम्पमा परेर दुई जनाको मृत्यु भएको छ । मृतकमध्ये एक जना महिला र अर्का एक जना पुरुष हुन् । 

सल्यानमा २५ घर पूर्णरुपमा क्षतिग्रस्त भएका छन् । ९७ घरमा आंशिक क्षति पुगेको बताइएको छ ।