विशेषको फैसलामा अख्तियार क्रुद्ध, पौने पाँच करोडको मुद्दा सर्वोच्चमा दर्ता

अख्तियार दुरुपयोग अनुसन्धान आयोगले विशेष अदालतले गरेको फैसलाप्रति असहमति जनाउँदै सर्वोच्चमा पुनरावदेन गरेको छ । राजेन्द्र ढुङ्गाना र मधु कोइरालाको मुद्दामा भएको विशेषको आदेशमाथि पुनरावेदनको निम्ति सर्वोच्च अदालतमा निवेदन दर्ता गरिएको हो ।

आयोगका प्रवक्ता भोला दाहालका अनुसार प्रतिवादी ढुङ्गाना र कोइरालालाई विशेष अदालतबाट भएको फैसलाउपर आयोगलाई चित्त नबुझेपछि सर्वोच्चमा हिजो पुनरावेदन गरिएको हो ।

उनीहरुले गैरकानुनी रुपमा सम्पत्ति आर्जन गरेको देखिन आएकाले चार करोड ६८ लाख ४८ हजार ५५६ रुपैयाँ भ्रष्टाचार गरेको आरोप आयोगले लगाएको छ ।