युवा संघको बिरोध प्रदर्शनअघि एमालेको केन्द्रीय कमिटी बैठक

नेकपा एमालेले भोलि केन्द्रीय कमिटी बैठक बोलाएको छ । पर्सि पार्टी निकट राष्ट्रिय युवा संघले राजधानी केन्द्रित बिरोध प्रदर्शनको कार्यक्रम राखेको छ । एमालेले उक्त प्रदर्शनको स्वामित्व पार्टीले लिने यसअघि नै बताइसकेको छ ।

तर भोलिको बैठक ‘झुलाघाटदेखि चिवाभञ्ज्याङसम्म समृद्धिका लागि सङ्कल्प यात्रा’ अभियानको तयारीको निम्ति बोलाइएको जनाइएको छ ।  तर समसामयिक राजनीतिक गतिविधिलगायत विषयमा पनि छलफल हुने बुझिएको छ । बैठक च्यासलस्थित एमाले मुख्यालयमा बिहान ११ बजे राखिएको छ ।

एमालेले आगामी १४ गतेदेखि सामाजिक सद्भाव र राष्ट्रिय एकता प्रवद्र्धनका लागि मध्यपहाडी लोकमार्ग केन्द्रित संकल्प यात्रा गर्दैछ । यात्रा  दार्चुलाको झुलाघाटबाट हुने जानकारी दिइएको छ ।