शिक्षक नै भक्षक, अध्यापन भन्दै दुई छात्रामाथि पटकपटक यौन दुर्व्यवहार
आफनै छात्रामाथि गिद्देदृष्टि लगाउँदै अनेकौं हर्कत गरेका दुई शिक्षकलाई प्रहरीले पक्रेको छ ।
सिन्धुपाल्चोकको इन्द्रावती गाउँपालिका वडा ६, स्थित कमलादेवी माविका शिक्षकद्वय सुरेन्द्र कोइराला र कविराज पौडेललाई प्रहरीले नियन्त्रणमा लिएर अनुसन्धान थालेको बताइएको छ ।
सोही विद्यालयमा अध्ययनरत दुई छात्राले शिक्षकद्वयले आफूहरुमाथि यौन दुर्व्यवहार गरेको लिखित जाहेरी दर्ता गराएपछि प्रहरीले उनीहरुलाई पक्राउ गरेको हो ।
डिएसपी निरञ्जन भट्टराइका अनुसार पक्राउ परेका शिक्षकहरुलाई हाल हिरासतमा राखिएको छ । जिल्ला अदालत सिन्धुपाल्चोकबाट सात दिनको म्याद थप गरेर आवश्यक अनुसन्धान अगाडि बढाइएको छ ।
ट्रेन्डिङ पोस्ट
टिप्पणीहरू