प्लेन चढेर पोखरा जान लागेका सुनारलाई गाडीमा राखेर बानेश्वर लगियो
विदेश पठाइदिने प्रलोभनमा पारेर सर्वसाधारणलाई ठग्दै आएका एक व्यक्ति त्रिभुवन अन्तराष्ट्रिय विमानस्थलबाट समातिएका छन् ।
आज दिउँसो हवाई मार्ग हुँदै पोखरा जान लागेका सन्दिप सुनारलाई सीआइबीको टोलीले विमानस्थलको आन्तरिक टर्मिनलको प्रस्थान कक्षबाट नियन्त्रणमा लिएको हो । सीआइबीले उनलाई थप अनुसन्धानका लागि काठमाडौँ उपत्यका अपराध अनुसन्धान महाशाखा बानेश्वरको जिम्मा लगाएको छ ।
बुद्ध एयरको उडान नम्बर ६१७ मा १:२५ बजे पोखरा उड्न लागेका बेला समातिएका सुनारलाई साढे १ बजे बा १२ च ८३४९ नम्बरको गाडीमा राखेर विमानस्थलबाट बानेश्वर लगिएको प्रहरीले जनाएको छ ।
प्रहरीका अनुसार उनीविरुद्ध विभिन्न व्यक्तिलाई बिदेश पठाईदिन्छु भनेर मोटो रकम असुली गरेको आरोप लागेको छ ।
ट्रेन्डिङ पोस्ट
टिप्पणीहरू