बालविवाह गर्ने ४० वर्षे दुलाहासहित पाँच पक्राउ, तीन वर्ष कैदको कानुनी व्यवस्था

नवलपुरमा बालविवाह गरेको आरोपमा बेहुलासहित पाँच जना पक्राउ परेका छन् । सदरमुकाम कावासोती नगरपालिका वडा नम्बर १० मगरकोटका ४० वर्षीय पुरुषसँग् १६ बर्षीया बालिकाको जबरजस्ती विवाह गराइएको बताइएको छ । 

उक्त आरोपमा बेहुलासहित पाँच जना पक्राउ परेको नवलपुरका प्रहरी निरीक्षक साजन शर्माले बताए । प्रहरीले उनीहरुलाई नियन्त्रणमा लिएर मुलुकी फौजदारी अपराध संहित २०७४ को दफा १७३ बमोजिम कारबाही प्रक्रिया अगाडि बढाइएको जानकारी दिएको छ । 

उक्त दफाअनुसार जबर्जस्ती  बालविवाह गर्ने र गराउनेलाई तीन वर्ष कैद र ३० हजार रुपैयाँ जरिवाना वा दुवै हुनसक्ने व्यवस्था छ ।