एकीकृत समाजवादीको परिषद बैठकअघि सदस्यता नवीकरण गर्नैपर्ने
नेकपा एकीकृत समाजवादीले केन्द्रीय परिषद् बैठकमा सहभागी हुने नेताहरूलाई पार्टी सदस्यता नवीकरण गर्न निर्देशन दिएको छ ।
पार्टीले सदस्यता नवीकरण गरेर मात्र माघ १४ र १५ गतेका लागि बोलाइएको परिषद् बैठकमा सहभागी हुन सूचित गरेको छ । बैठकका सहभागीहरुलाई आफ्नो सदस्यता नवीकरण गर्न र केन्द्रीय निकाय, प्रदेश र जिल्ला कमिटीलाई परिषद् बैठकबारे जानकारी गराउन निर्देशन दिएको महासचिव घनश्याम भुसालले जानकारी दिएका छन् ।
केन्द्रीय समितिको बैठकको निर्णयअनुसार विधानलाई पार्टीको तल्लो कमिटीमा छलफलको लागि पठाइएको छ । महासचिवका अनुसार परिषद् बैठकले पार्टीको विधानलाई पूर्णता दिने छ ।
ट्रेन्डिङ पोस्ट
टिप्पणीहरू