अध्यक्ष बनाउन अघि सारिएका सिटौला माननीय निर्वाचित
राष्ट्रिय सभा निर्वाचनमा सत्ता गठबन्धनका उम्मेदवार नेपाली कांग्रेसका नेता कृष्णप्रसाद सिटौला निर्वाचित भएका छन् ।
कोशी प्रदेशबाट अन्य कोटामा उम्मेदवार बनेका सिटौलाले एमाले-राप्रपा गठबन्धनका उद्धव पौडेललाई पराजित गर्दै विजयी भएका हुन् । उनले ५२ सय ९२ मत पाउँदा पौडेलले ४५ सय ६२ मत ल्याए ।
कोशीमा गठबन्धनबाट महिला कोटाकी उम्मेदवार माओवादी केन्द्रकी चम्पा कार्की भने पराजित भएकी छन् । उनलाई एमाले-राप्रपा गठबन्धनकी रुक्मिणी कोइरालाई हराएकी हुन् ।
कोशीमा सत्ता गठबन्धनको प्रष्ट बहुमत देखिए पनि फ्लोर क्रस भएपछि परिणाम उल्टिएको हो । कार्कीलाई गठबन्धनका प्रदेश सभाका ३ र सिटौलालाई २ सांसदले मत दिएनन् ।
सिटौलालाई राष्ट्रिय सभामा अध्यक्ष बनाउने गरि उम्मेदवार बनाइएको चर्चा छ ।
ट्रेन्डिङ पोस्ट
टिप्पणीहरू