भारतीय कूटनीतिज्ञलाई पूजापाठको निम्ति रास्वपा नेतृको निम्तो

काठमाडौंस्थित भारतीय दूतावासका डेपुटी चिफ अफ मिसनलगायत विभिन्न दूतावासका प्रतिनिधिहरु आज साँखु नजिकैको शालीनदीमा पुगेका छन्।

झण्डै एक महिनादेखि चलिरहेको श्री स्वस्थानी ब्रत तथा माधवनाराण मेलामा पूजापाठको निम्ति सो क्षेत्रकी सांसद तथा रास्वपा नेतृ सोविता गौतमले विभिन्न मुलुकका कूटनीतिक नियोगका प्रतिनिधिलाई आमन्त्रण गरेको बताइएको छ ।

गौतमको निम्तो मान्न भारतीय दूतावासका डेपुटी चिफ अफ मिसन प्रसन्न श्रीवास्तव,सार्क सचिवालयमा कार्यरत भारतीय निर्देशक भावेश त्रिदेव पत्नीसहित साढे ११ बजे त्यहाँ पुगेका छन् । 

त्यस्तै काठमाडौंस्थित फ्रान्स र रुसी दूतावासका प्रतिनिधि पनि गौतमको निम्तोमा भर्खरै त्यहाँ पुगेको बुझिएको छ ।